散晒

昨天去了西貢北潭涌BBQ，一去到真係好多人呀......Ｄ車位雖然多，但係仍然唔夠用，Ｄ車甚至要泊於路邊。真係太誇張了！

泊好車，就去揾爐，好好運，一去到就有啦！於是男士就負責生火，女仔就負責將食物清洗，公廁的環境也很不錯！食物很豐富有：西蘭花、金茹、蕃薯、粟米，最最最正就係秋哥的海鮮呀.......鳳尾蝦、大蝦、扇貝、帶子、大蜆、大鱔.........最難得是秋哥一早就把海鮮醃好、斬件，真係食過番尋味呀！

我們由下午三點幾燒到差不多九點，最令人頭痛的是，到晚上六時已經就開始天黑啦，但係該郊野公園是沒有任何街燈架........Ｄ嘢食熟唔熟都睇唔到架.......幸好就是有位同事帶來了蠟燭和燈籠，用以應一應節，嘩.........她的貢獻真的很大呢！！

我們離開那裏還未到九點，但是身處的地方附近已經一早四野無人，到我們返去停車場時，就只剩下寥寥數架車，與剛抵埗時的情境迴異。

返回家就只有九點幾，但是沖完涼"攤"上床時，雙腳酸軟不已，整天都沒有行得好辛苦架........只是在燒烤爐與枱之間徘徊咋...........都已經咁攰.........如今雙腳仍然很累呢！