給你的信

大B:


呢一封將會係你永遠都收唔到嘅信,除非你會開我嘅網誌,如果唔係你唔會知,事隔一個星期,我真係好想打比你,話比你知我原來仲好掛住你,原來當我發現你其實好重要,係我生命中佔據住好重要嘅位置嘅時候,我亦已經再無可能返到你嘅身邊.因為原來當我已經預備好和你重新相處嘅時候,我已經再無機會。只怪以前嘅我太過愚蠢,無知,任勝,好勝,竟然連自己嘅心裹面想點都唔知,直至我遇到你哋係埋一齊,真係極度可笑,我現在無辦法可以向你講出口,我唔想傷害你和她!

原來之前嘅感情係咁深,八,九年嘅相處一時要抽離,真係一點都不容易,我終於感受到你當時嘅痛苦,想必嗰時你比我更甚!我對你嘅傷害真係無法估計!

你知唔知呢幾日我試過好幾次想打電話比你,但我無咁做,我覺得如果我真係咁做會好衰,其實依家呢個情況,可能係我應得嘅結果!我無心想騷擾你,只是我嘅思緒好混亂,唔知點做,只想將我所有嘅感受都話比你知,當然我最後無咁做,如果唔係就無呢封信嘅出現!

2009年12月29日晚上九時三十分,我永遠都會記得發生過甚麼!

當你見到天上星星
可有想想起我? 可有記得當年我的臉曾為你更比星星笑得多?
當你記起當年往事 你又會如何?
可會輕輕淒然嘆喟
懷念我 在你心中照耀過!
我像那銀河星星 為你默默愛過
更讓那柔柔光輝 為你解痛楚
當你見到光明星星 請你想起我
當你見到星河燦爛
求你在心中記住我


我記得的,你呢?

一個(我)終於失去了你的人,

小B