狂玩二

大家唔知是否記得星期六的氣溫呢？我就好記得啦.........六點後的氣溫係三十度呀.......我哋竟然燒嘢食.......

最誇張嘅係弟兄姊妹竟然買了一隻生雞同埋一條魚加大量的菇、粟米，我都係第一次燒原隻生雞同魚咋........最初我哋都唔知道點樣燒隻雞，最後，我哋執咗好幾支叉，洗乾淨，再整個架吊起隻雞嚟燒，我有時真係幾佩服我哋Ｄ頭腦.....哈.....咁都比我哋諗到.......

嗰日的天氣實在太熱啦..........搞到我冇晒食慾，淨係食丸同埋Ｄ菇，我連至愛嘅雞翼都冇食過，好彩都有少少風吹下，如果唔係........真係熱死！

不過........我哋都係買咗過多的食物，幸好我哋都冇浪費食物，拎返屋企預備之後嘅感恩餐。唔知我哋幾時再有咁嘅機會一齊癲呢？好期待下一次。