呆了

今日的思緒好複雜，我相信每個人係他人心目中的位置、層次都不同。今日我和一位同事討論於星期六所發生的事(其實於我心中，我當他是朋友)，言談間，他/她說我的說話很"掘"，這一點我承認，但是在我心目中我認為朋友之間係可以接受得到一Ｄ hard feeling 的說話囉，如果可以令大家有成長或改善的話，當我問他/她的時候，他/她竟然回答我"我哋係同事囉"，唔知大家會否明白我的心情，那一刻我終於醒過來，收線後令我輾轉難眠。但腦海中又浮出聖經中的一句說話，「當面的指責，强如背地裹的愛情」，難道人生不能接受他人沒有修飾過的說話嗎?

係，我講說話很"掘"，我係諗到咩就講咩呀！我從不刻意討好任何人特別係我的朋友，將我的感受和觀點不加掩飾的攤出來，那是因為我想我的朋友知道我的諗法，簡單、直接，如果朋友之間都要就住就住的話，很虛偽！對我的說話覺得難受？是否因我一針見血，將你的問題毫不保留地揭示出來？如果你不覺得自己有問題，你又為甚麼介意？

也許是我的想法太簡單，但是為甚麼要將所有嘢都諗得咁複雜呢？如果你不認同的話你大可以一笑置之，如果你是耿耿於懷的話，那請想一想你於介懷背後的原因了！

在此，我真係要向那位同事 say sorry，原來係我一廂情願當你係朋友囉！唔好意思呀"同事"

中伏

今朝先剛剛話要節儉一點，怎知一去到shiseido 就被那位 sales 姐姐係咁落"咀頭"，最慘就係Ｄ"死穴"全部都被佢戮中晒.............個 d 咩...黑眼圈呀、眼袋呀、乾紋呀.....等等全部講晒出嚟，最慘就係話比我聽有得救丫嘛，你話冇得救都好地地丫！

最鬼衰就係佢好鬼好咁同你敷個 mask 上去，然後敷完又覺得好鬼正喎，咁先至中招丫嘛...........本來我一心只係諗住配番一兩支嚟用架咋，點知.......最後都係.......慘淡收場，埋單要 $XXXX咁多呀.....嗚......嗚.......點解我唔識 say "NO" 丫！女仔一買嘢就會失去理智架啦....哼！唔得我以後要企硬先至得！唔可以再買嘢啦！

再唔慳Ｄ就冇錢交稅啦！！加油、努力、慳Ｄ。

新 look

很久也沒有踏足這裡啦，最主要的原因是 "懶"。昨天放假，一早已安排好去整頭髮，算是換了新形象，冇咁悶，看看自己的髮型有點像十多年前般，唉..........這個頭呀用了差不多一千大元呢！很貴呀！希望會獲得好評啦！
今個月還有很多大計呢，好像去一去牙醫處，檢驗一下；還有又要置裝去飲呢！唉.........真係"越窮越見鬼"呀，過兩個月又話要交稅喎..........邊度有咁多銀両喎..........唯有這兩個月節儉一點，忍一下，不那麼揮霍好了！

過去兩個星期發生了許多許多的事情，起承轉合，有很多的事情都在我意料之外，直接的間接的影響了我的情緒，但是有一件事是很值得在這裡分享的，就是在剛剛過了的星期日，我重遇了一位小學的老師呢！我們"失散"了差不多十多年了，她看見了我也很意外呢！我們互相的問候近況，談得起勁，最後還互相交換聯絡電話，相約有空時與其他的同學們一起相聚呢！面對着這位老師，在她面前忽然覺得自己年紀好像還是很小似的，那種感覺又回到十多年前，小學五年級時候。從來回憶都是美好的，都是令人回味的！

巧恰

今日又去上堂啦..........看來我都是一個不怎麼好的學生呢！上堂遲到早退！

不過在我走的時候碰見了我的同事，他在打網球.......唉...........他真係有姿勢冇實際啦！想和他打招呼，可能是我站的地方太黑加上他的近視太深啦，他竟然看不到我.............唉..........他真是"盲炳"一名呀！

當我將車駛離的時候又碰見以前的一位同事，忍不住將車子停下和他寒喧幾句，最後更叮囑他有空時要將初生女兒的照片給我看看呢！

旺季

今天晚上要去"飲"啦，今天的天氣令我有點不知所措，好像很熱似的...........令我在選擇衣服上有點苦惱！

踏入十一月好像又踏入結婚的旺季，今日之後月尾又有一次，下個月又一次........好似每個月都有咁！！好鬼窮呀........仲係咁要比人情！

看見人家結婚、懷孕，不多不少都會羨慕別人，久不久都會想一吓，何時才會到自己步入人生的另一個階段呢？尤其是我很喜歡小朋友，很想趁還年輕的時候(30歲前呀！)就生自己的小朋友。唉..........把鬼！有甚麼好想，真係想得多人都"顛"！！

唔緊要..............現今的我也生活得很寫意！我知道我身邊很多人都很疼愛我呢！你哋不用擔心喎！