九龍中浮沉誌

Tuesday, May 31, 2005

私隱

今日生果日報話某醫院未經病人同意,偷錄病房。雖然係精神病房,但係好難講普通病房有冇咁做。哎吔,唔怪得我哋成日係經理唔係度時做D嘢,經理都知道啦。(哈,哈)
唔知道佢哋係安裝了攝錄,定係盜聽呢?

不過如果係真的話,受害的不只是病人,員工也是受害者。沒有徵得同意下做這樣的事,好像太不尊重我們吧!

希望那些所謂行政的高層人士懂得設身處地去想一想吧!不要罔顧別人的感受,做出一些如此笨拙的行為,否則我相信前線的同事係絕不罷休。

Monday, May 30, 2005

湊仔

大家千祈唔好誤會呀!小女子尚未結婚,亦沒有成為未婚媽媽。

事緣今天要返教會,幫一D已為人父母的弟兄姊妹代為照顧他們的子女,讓他們可安心到禮堂祟拜親近神。於是,今早6:45a.m.放工,立刻倒在床上呼呼大睡,誰知一覺醒來已是9:00a.m.錯過了自己返祟拜的時間。於是把心一橫,再調校鬧鐘到十點才起床;如是者,今天我用不徐不疾的腳步返到永光,預備事奉;其實面對小朋友們都是頗大的挑戰,猶記得有一個嬰兒奶粉廣告,內容大概係描述小朋友的各種特性,本人覺得內容都很寫實。

以前在我心目中小朋友就與"小魔怪"劃上等號,電影小魔怪大家也有看過吧。牠們是一種樣子可愛的動物,但是一被水潑濕就會變成惡魔,狂性大發。小朋友亦是一樣,乖巧時非常可愛,但是萬一撒野的話,後果不堪設想,令我怕怕。

但是從我在兒童團事奉中,觀察到小朋友們的反應很率性,他們不用理會成人的感受,笑的、喊的完全在一秒之間發生;今天有大約十名小朋友,有的樣子傻傻的,有的機靈活潑,有的斯文淡定,有搶別人的玩具、也有拱手將玩具給予他人,各式其色。他們的思想全是白紙一張,是好是壞,全是父母怎樣的去教育他們;雖見父母們都灌輸正確的訊息,例如:不可爭等奪別人正在玩的玩具,或是將自己所有的分享予別人一同享用。但是偏偏搶玩具的孩子被教導後會再度重施故技,究竟是哪兒出了岔子呢?真教我無奈。

但是,在這兒倒令我學習到忍耐,孩子多不會對我們的"道理"有很大的理會,我要多次重複又重複的說着意思、內容大致相同的說話,可要知道我其實是一個性格頗為"急"的女子,面對孩子的"扭計",要用各種不同的方法去逗他們,這可是考驗我忍耐/耐性的極限呢!

另外,在小孩子的世界中根本沒有記恨這回事,縱然這一分鐘他們為玩具展開爭奪戰,下一分鐘他們就已經忘記得一乾二淨,還一起遊戲,寬容確是一件不容易的事呢!

讓我們都從孩子們的身上學習更多,改善自己的不足之處。

Friday, May 27, 2005

估不到

從來都知道自己並不是別人眼中般剛強,其實我係一個好眼淺的人。雖然我表面係好"兇",為的只是想保護自己,我想這樣的做法也可算是自我防衞的一種吧!但係絕對想像不到今天的我對自己的自我形象是這麼的"爛",這般的不濟。
心情低落到連吃飯的意慾也盪然無全;朋友們都知道我最愛吃。
就是因為今天嚥不下一口氣,說出可能一生一世也後悔的說話;我可能以後會後悔,但是現在的我正是"火遮眼 "斷不會屈服,也許這樣的冷靜一下也是好的。我也有心理準備面對各種的結果。

有時真係覺得自己嘅朋友少得可憐!是我在待人接物的態度有問題嗎?還是我待人不夠真誠?我自己也無話可說;雖然我份人有話直說,但至少未至於不懂得睇時勢做人吧!我更加不懂虛偽作假!我的朋友們,你們都在哪裏呢?在我需要你哋的時候,你有撥冗給我嗎?有的甚至逃避我,那是為甚麼呢?害怕謠言?被中傷?何必為那些不盡不實的話而介意呢?待友熱情是我一向所持的態度,難道這般會使你們害怕嗎?因為我對待你們是真正的朋友,才會這麽做!有的在我心目中已經好像是我的哥哥、弟弟、家姐般的位置,是否這般令你們驚恐?若是這樣,請告訴我,我定會離你遠遠的,甚至不再主動聯絡,至少這可以保持君子之交吧!我不想無端的失去任何一個朋友,因為在我的生命中除了上帝和家人之外,你們就是最重要的了!

Thursday, May 26, 2005

生之喜悅

剛剛沖完涼,竟然發覺自己雙腳膝蓋的上下位置有多處瘀傷,唉...............定是返工的時候不留神撞傷,當時沒有甚麼相隔數日後的今天就顯現了!

今日收到一位同事的短訊,告知她的小寶寶已於23/5出生了,聽到這個消息我都好開心,雖然我並不能到醫院探望寶寶和她母親,因為寶寶入了NICU,而母親可探寶寶的時間同我們一樣,為免我們去到醫院久候,同事叫我待她出院後再去探他們。
雖然我並沒有寶寶也未結婚,但是從同事生產 BB這事上也能分享到一點點喜悅。上帝造人奇妙,一個小生命,從出生像暖水壺到大大隻隻,不斷地長高;從小時撒嬌、撒野到獨立、自主,種種都在不知不覺中發生,當然父母餐風露宿、不眠不休的照顧也是功不可沒啦!父、母的偉大係難以言喻,各位疼愛父母的弟兄姊妹,盼望大家籍着"懇親日"向大家的摯愛傳遞美好訊息啦!

生命影響生命,大家努力呀!

Wednesday, May 25, 2005

救命鐘

今日睇到生果日報嘅新聞,內容係講靈實醫院嘅姑娘收起 call bell 以致病人不能得到及時救援致死,一睇到呢 D 新聞報導就梗係留意D架啦,貼身丫嘛。
其實我哋有時都會咁做,不過只限於好亂嘅 patient ,醒嗰D更加唔會。
不過呢件事都好慘,D姑娘肯定有好大陰影同壓力呀.........以後D人更加棘手

我今日終於成功咁買到波鞋啦..........我睇咗好耐先至搵到呢一對鞋較為合心水,雖然嗰款同以前一樣,但係顏色唔同,最重要係價錢相宜丫嘛,只係$499咋,抵!

Tuesday, May 24, 2005

冇人性

今日睇到生果日報報導:"雪 橇 犬 被 虐 烈 日 下 監 生 曬 死",唉.....點解會咁殘忍架!仲要係我最鍾意嘅雪橇狗添!唔好話D小動物咁可愛唔忍心傷害佢哋丫,動物都有生存嘅權利,何必抹殺牠呢!而且其他受虐嘅動物就算身體從傷害中康復過來,牠們的心靈亦都從此留下疤痕,對人類不再信任甚或害怕人類從而攻擊人!枉費了小狗是人類最好的朋友,最忠心的拍檔!

看見這宗新聞令我想起了身邊的朋友也發生類似的事情。有位姊妹租了一位好友的房間住,房東與姊妹一起同住,而房東於大的一年多前在寵物店因見白兔仔好可愛而買了一隻回家飼養,我哋去姊妹家時見過,我哋叫佢做"阿闊",最初"阿闊"無論係身形、體重都好正常,但係在半年後那位主人就開始任由"阿闊"無節制地狂食,令到"阿闊"身形好似充了氣的水泡咁暴脹,連跑也跑不動,又不盡主人嘅責任照顧牠,將所有照顧牠的事全推比姊妹。最可惡的是,那位主人因為飼養動物的熱情減退想不負責任地餓死牠,從我朋友的敘述,她竟然可以2-3日不給予食物!幸好我的朋友不忍,最後給予"阿闊"食物。知道此事後,我哋各人無不破口大罵那位主人毫無人性!

在此奉勸各位,如果想養動物的話請周詳地考慮,例如:金錢、時間、愛心同耐性等等...........因為養小動物的責任不比生孩子的責任小!

Monday, May 23, 2005

由於尋晚夜瞓嘅關係,我今日成十點十五分先至起身呀.............唉...........差D就遲到返唔到第二堂祟拜,要返第三堂!
完咗祟拜之後,我哋就拉大隊去新蒲崗麗宮飲茶啦............因為要趕住兩點返去永光做場地路啪,所以我哋以狂風掃落葉嘅速度掃清抬面上嘅大、中、小點,速度驚人!
返到永光,我哋就由天台開始,逐層向下睇下有冇地方係需要維修,巡完一轉再返去六樓,本來今日係 Jim Chan 負責 hold cell..............唉..............難得我星期日唔洗返工,佢竟然冇預備...........於是我哋就係六樓呆咗一陣,為咗唔再係永光發呆,決定去荷李活睇戲,點知D時間又唔啱,唯有去食個 tea 再決定!
卒之,我哋決定去 lay lay 屋企兼食飯,我仲學識咗玩橋牌添呀,對我嚟講都幾難,雖然玩法唔難,但係要捉人心理都幾傷腦筋,識我嘅人都知我唔鍾意做D傷神嘅嘢架啦!所以要多D練下先得!弟兄姐妹,你哋得閒記得陪我練下啦..................

最後,我哋嘅弟兄,"肥 Gap "將於星期三 (25/5)去"米國 "啦,在此祝佢一路順風!我哋會幫你照顧靜賢架啦..............放..........心................啦..........

Sunday, May 22, 2005

精彩

我今日係 sleeping day 一起身已經係下午四點幾..................講番尋晚返工,呢兩日唔知係咪做左死神使者,除左上次一更死左兩個 patient ,尋晚又一個經我手啦................話說 napkin round 完已經係大概半夜十二點,咁就去 round ward 啦,見到個 patient 扯晒蝦,於是就去 suction (抽痰),一將條喉放入個口到,抽出嚟全部都係 fresh blood.......心諗:乜咁大整蠱呀.........咁大鑊......一 monitor 個血氧得 83 %(正常係90 %以上)已經聞住氧氣 ,仲係咁向下跌,於是就即刻 call 醫生啦......雖然個 patient 係 TLC (tender loving care ) case ,但係醫生好 active 咁比咗D treatment,不過個病人都係唔得,未到一點個 patient ECG 已經 line flat ...........諗住病人家屬應該都差唔多到啦.........(因為我十二點半前已經通知佢哋,伯伯情況差),點知等下、等下佢哋差唔多到兩點前先至到,仲要嚟到嘅時候好似好怕見伯伯最後一面咁,見面唔夠十五分鐘 就走,唉...............見到都覺好灰,我心諗:如果我第二時D仔女係咁嘅話,佢哋唔嚟好過...........於是送埋伯伯最後一程,已經剛剛兩點,我先至開始預備 night food 咋..............呢排都係邪邪地,好彩後半晚都平安無事.............

今晚去咗睇 Deanie 姐演唱會,因為知道準時開場,如果遲到要等十五分鐘先可以入場,所以我比原定開場時間再早五分鐘到紅館(驚死執輸嘛),好期待咁去呢個演唱會,因為佢唱歌好聽嘛!雖然佢嘅作品我多數都唔識D歌名,但係都可以哼一兩句嘅。睇完呢個 show 都覺得好精彩,好彩冇錯過咋!
呢個演唱會都幾特別,好似有小朋友表演軟骨功啦......例如可以將隻舉到去個頭咁高喎;又有一個不知名嘅男仔同佢合唱(據說係哈彿法律系畢業),把聲都唔錯,呢個 show 都幾好;不過最令我驚嚇嘅一 part 就係 Deanie 唱緊"焚心似火"嘅時候,有個成身連頭髮都係紅色嘅 Dancer伴舞,本來都冇乜嘢,點知完咗呢 part 之後介紹個 Dancer,原來嗰個係許愿嚟架.............鏡頭一 close up...........即刻比佢嚇親, 上身着住紅色see through,連塊面都搽埋紅色,一見佢講嘢就露出D牙,我即時諗起以前黑人牙膏D廣告呀!
呢個演唱會最特別就係,有一 part 會好咩細咁介紹D幕後工作人員,好似 dancer,結他手.....鼓手,音響員........等等,你會覺得佢係好尊重同欣賞呢一班合作但係觀眾係唔認識嘅工作人員,故此又令我欣賞 Deanie 多一D啦!

Thursday, May 19, 2005

破記錄

嘩 ..........嘩..............嘩..........尋日行完運今日就破記錄............
一返工收四個 case 都算啦........點知其中有個 case 今朝先至係急症醫院轉過黎..........三點幾就話唔得喎..........雖然唔算係最快個次,但係都係排第二架啦!上次仲誇張,個病人係急症用非緊急救護車轉過黎,用抬床上病房,都未過床就發現佢已經 arrest 左啦.....仲要CPR ,搞到裙拉褲甩......
今次禍不單行,cert 左一個 patient,跟住又有一個話 arrest .......今日又係冇停過,今日已經係5 個 nursing staff 返工,都做唔切!仲要比我個痴線老細狂話,硬食左一嘢..........
於是.......今日係繼農曆新年之後,又一次係一更之內 cert 兩個啦.................

好.............今日講下"蠻牛",大家有睇新聞都知道蠻牛係臺灣比人落毒架啦!我要講嘅唔係呢一樣,唔知大家有冇睇過佢嘅廣告呢?有兩個,內容大致都係話有一個男人要服侍一個肥女人,弄至身心俱疲,然後配音就講出"累嗎?飲好力達蠻牛",然後鏡頭一轉就見那個男人一飲而盡,鏡頭再轉就見到個男人好似 He man 叉咗電咁充滿力量,再去搏殺,服侍嗰個肥女人。第一個感覺係...........嘩........勁"娘"呀!仲有,最初我以為係賣男人補品即係類似偉哥嘅成藥,一D都唔知道係一D補充體力嘅補充劑。我心裡當時諗:嘩...........唔係呀,呢D嘢都咁張揚賣廣告?到後期先至知道唔係個D藥咋...................."睬"!

小妹聽日要 A/N啦..........如果得閒就post下文章啦!如果太攰就會後日先至同大家見面啦!

行好運

我今日放假,嘩........行運 lu..........點解咁講呢?
因為我今晚六點幾個時得閒冇野做打去搵同事吹水,一講之下原來今日要收六個人呀.......仲要全部係P更先至到埗,佢哋個個做到上氣唔接下氣呀........我同事一開工由二點做到六點幾,仲要用少少自己食飯時間先至可以完工咋!嗱嗱嗱係呢件事上又再一次表明前線護士人手不足,香港醫療制度殘破不全,仲話要減我哋人工!點解政府又唔理個D院霸呀.......明明佢哋冇需要住醫院架,浪費晒政府資源,政府醫院就係咁架啦,淨係怕比人投訴,唔敢叫佢哋出院,我哋一提及出院咋D人就發老四,亂咁投訴,所以呢.........希望大家唔好再以為我哋好舒服呀,我哋不幸個一面大家睇唔到咋,正所謂 "我睇你好,你睇我好"。呻咗咁耐添,唔好意思呀................
點都好我今日唔洗返工已經係"甩難" lu.......

今日返左祈禱會,唉...............位主席把聲唔知點解會咁騷擾架...........搞到我完全投入唔到呀............卒之捱到八點半,冇錯係"捱"呀......就同班弟兄姊妹去左旺角食韓國燒烤,又話要減肥,又去食呢D咁肥嘅嘢,之前減左個D又肥番晒..........激死!

今日有我最鍾意睇嘅ER,不過因為食飯去到太夜而 miss 左 lu .......不過唔緊要有肥姐錄左,佢仲話燒 隻碟比我,好嘢...............................

總之今日都係叫做有 luck 啦!

Wednesday, May 18, 2005

貓咪

今日我係intranet 度有人post話有純種英國短毛貓出讓呀...............搞到我心思思想養番隻..........唉最衰媽咪唔鍾意養呢D動物丫.........搞到我無希望!要等我有自己間屋先至可以 lu............
究竟我幾時先至有自己間屋呀....................

今日我老細又發癲啦............係咁針對個位姐姐呀...............總之呢就做咩都唔順眼啦........唉.....打工仔真係難撈呀..........做錯嘢就故然係比人鬧啦.............但係冇做錯嘢都比人勁醒,睇見姐姐比人鬧 ,我哋都唔敢拔刀相助,無計啦我哋一出聲幫口佢就以為我哋係搞對抗.............鬼咩我哋個個都唔鍾意佢,淨係有佢講冇人講,佢嘅就係真理,你哋個個都係錯嘅,我哋以前有個sister都話佢份人又冇 sense 又冇guts!都唔知點解我哋會咁慘........真係坎坷!

好彩我聽日放假,逃離呢一個地方一日,又可以透下氣。
嘻嘻各位同僚辛苦晒啦!

Tuesday, May 17, 2005

苦飯

我今日 tea time 時睇 "生活晴報"見到 St.Paul 嘅眼科醫療中心請人呀...........嘩.........正呀.......又唔
洗 on night .......唔知幾多salary 一個月呢?最煩係要向HA 申報鬼咁煩..........
唉..............我都係係咁易諗下啫..............

講時講今日又冇姐姐返工,上星期六已經係咁啦........做 runner都做到死呀!今日又是係咁,仲要得4個 staff 返工又要做埋姐姐個份又要睇住D case !!邊個話前線嘅護士人手足夠架........同我拖佢出去用狗頭閘侍候.............好彩今日係公眾假期冇車仔隊..........加上老細唔係度,唔係.........情況不堪設想.......

好講番D好嘢:今日係一個 web site 到聽到一首歌叫 "他約我去迪士尼",都幾好聽......唔錯架,大家可以去以下嘅 website 聽吓個 melody先 :http://www.cmidi.com/d5/midi_show.php?job=show&id=1115040250&sid=q5SuPDEd