就快報消的假期

時間過得真快，轉眼我的大假到明天就要完結啦，平時十分懶惰的我，今個星期雖然沒有去旅行，但是仍然忙得不可開交，到處還"飯"債，即是人家生日飯呢.....昨天才跟芝姐吃飯，兩個女子竟然吃了一個 salad 、兩個 main course，還可以吃得下甜品..........厲害、厲害，我真的懷疑自己的肚子是否有寄生蟲呢？吃完飯我倆還去找阿基和蕃薯，蕃薯係一隻威爾斯高基，唉.........佢跑來跑去都唔攰，芝姐仲話比我去放蕃薯喎........最後嘛....就係蕃薯係咁牽住我跑..........都唔知係我放狗丫定係佢(蕃薯)放我呀？

還有，趁有時間就返醫院的制服倉去換掉了兩件不稱身的制服，那兩件制服大到呢.......足足大了兩個碼不特止，我還沒有瘦之前已經是這麼的闊，現在穿上身更不堪入目，於是決心拿去"解決"它！

最意外的是去了依凌家兩天學彈琴.........哈....去到人家屋企，我和家琪當正自己屋企咁，又煮麵、又上網，又彈琴，哎吔.........原來彈琴真係好難架，左右手配合真的很難，真係好大的挫折感，我真的懷疑自己是否左右手不協調呀？？而且只是彈了短短嘅兩、三個小時咋，我的手腕已經很痛呢！真失敗呀！

離開了

看同事的網頁，發覺他們的身邊無論是本人還是友人，都相繼地有親友去世，而我昨晚才從我的家姐口中知道表姐病得很重，據說是患上癌症，昨晚仍是留彌之際，我爸爸趕往長洲見她一面，其實表姐年紀已不少，差不多六十歲啦........而我一直都對諸位表兄姐沒甚麼印像，因為在我還是年紀很小的時候才見過他們，之後嘛........就一直只有我父母跟他們聯絡，所以，一點也不認得！

最令我詫異的是我其中一位表兄的女兒已經和我差不多一樣大，還於 KWH的心臟科工作呢！同媽媽算一算.....那位女子竟然要叫我表姑奶..........唉..... Ｄ輩份要咁大嗎？聽見都覺得自己好老呀！我都係同佢同年之嘛..............

而我的表姐則於今日下午的時分撒手人寰，盼望她返天家與我主相與，可幸的是我媽媽趕及見她最後一面，而對我表姐而言，則是最好的解脫，至少免卻身體上的痛苦，因為癌細胞已擴散到全身啦，而癌症是一種很痛的病呢！

期待

我今日係 sleeping Day...噚晚同我同事一路食住"白痴戀人"朱古力，一路對著幾十個 case 過咗一晚，我仲記得上年嘅2月14日晚都係喺工作中渡過架.........

今日一起身就拆晒係新年嘅利是，個數都ok 啦.......至少夠去兩次飲啦........

不過今年利是時，有些唔知情嘅同事派利是比我，仲問我幾時到我派.........唉..........唯有傻笑一陣，跟住話自己要多幾年先至收工，好無奈！

明天要去小學同學的婚宴仲未諗好着咩衫添..........仲有下個星期日係教會嘅弟兄"老細" (jim Chan)結婚嘅大日子喎.......好期待呢！佢係 sheraton擺酒呀.......老細即係老細呀！一定要去見識一下呢！

聚舊

昨天相約了一班小學同學聚舊，互相訴說近況，為免遲到，於是提早了一些到旺角閒逛一會，去了 i.t 看看銀包，可惜冇戰利品，但係竟然撞見高氏夫婦。

與同學們相聚其中最重要一環當然是向已婚人士討紅包啦......今年好似較往年少咁喎....明明多咗已婚人士架........真係唔知點解？咁多人最好就係去打邊爐啦，雖然我近期生咗好多暗瘡，但係仍然冇有怕！照食可也！不過最唔鍾意就係打完邊爐之後一陣 "味"..........

另一重要事項就係收紅色炸彈啦...........其中一位同學仔於16號結婚啦.....其實一早都知架啦........呀........諗諗下原來今個月共有兩次喎.........都係要準備一吓Ｄ人情啦..........

難過

新一年的開始，本來是應該好開心架.........但係新聞又播出，香港人於埃及旅行發生奪命車禍..........頓時令歡樂嘅氣氛蒙上陰影。

其中有傷者表示有香港旅行團經過而又不施援手，唉........聽到呢Ｄ咁嘅消息本來已經好唔開心，再加上呢Ｄ咁真實嘅報導，真係令人覺得好心噏......不過， 我又唔係身在其中又點知道咁多丫........不過，唔知點解近幾年每逢有喜的節日，又總會有一Ｄ唔開心嘅意外發生.........

發生呢Ｄ意外，令我不其然擔心在旅途中和將會去旅行嘅親人嘅安全添.........不過我相信生死有命，倘若上帝要將人的生命收回，試問誰又可以逃避呢？