搞鬼

前兩天去了看"怪誕屍新娘"，Ｄ公仔好得意，都不算太悶，其實"屍新娘"都幾靚，可是"她"的遭遇太可憐啦..........愛上了一個騙子，最後死了，還以為最後找到了一個真心愛自己的男子，誰知上天給"她"開了一個天大的玩笑.....................

而男主角呢............很"論盡"呀........但係我最鍾意的角色都唔係"佢哋"，而係嗰Ｄ骷髏骨呀..........好搞鬼呀...........

我都睇晒差唔多要睇的戲 lu..........都好滿足呢！

感動

昨天終於約了舊同事去 apm 睇"再說一次我愛你"，雖然我是劉華的忠實 fans (不過冇入 fan club 架!)但是我其實覺得個內容某部份有點牽強，um.......不過講故唔好駁故，整體上的感覺都可以，有兩場戲最令我感動，不過令我喊個場戲，係華仔收到 charlie比佢的信，初初是由 charlie 讀，最後變成阿 sa 講.......講出好多令人感動的說話.............."珍惜"，係最後的信息！

當然，這次仍然有喊啦........不過唔好意思喊得太厲害，免得嚇怕了同事呀........

仲有一套戲想睇架.......就係"怪誕屍新娘"啦.........好得意呀！

嘻......個樣好似有Ｄ邪邪哋！

期待

呀......終於約到同事去睇劉德華的 All about love 啦.........好期待.....星期三就有得睇啦........要帶多Ｄ紙巾先........

仲有仲有一套戲想睇........就係"怪誕屍新娘"啦........好似幾得意咁喎.............

今日有個同事睇完"高凶三萬呎"，佢話好好睇.......有鑑於小妺對一切驚憟、懸疑同驚嚇片都是不會睇的，所以就叫佢講吓Ｄ劇情聽吓，唉............點知我聽完都一頭霧水........嘥氣！

快Ｄ返完個 night....到星期三就好啦.........

流感恐慌

今日讀報看見生果日報報導流感，話說香港人搶購流感疫苗，真的不知是傳媒將事件放大了，還是香港人真的對衛生課題緊張多了呢？坦白的說，似乎後者不為多了！

我在這行工作由學生開始到現在，也差不多七、八年了，每年醫院都會安排同事們打流感針，我例必不打！坦白的說，年青的、健康上沒甚麼特別的病的話，最好不打！有時反而打了流感針而病呢！雖然是正常反應，但是好像是有點"攞苦嚟辛"呢！

而我頂多只會為年長的雙親預備流感針以防萬一，但這情況多年來都只是試過一次呢！我常常都認為一些小病(傷風、感冒、流鼻水呀.....咳呀....等等)，最好是靠自己的抵抗力去痊癒，很多時不用吃藥也會慢慢好呢！當然如果開始發燒又另作別論啦...

唉........禽流感又嚟啦.........我最愛吃雞( KFC除外)，似乎愈來愈嚴重，看來又有一陣子冇得吃了！

固執

唉.........本來想趁今天放假去看劉德華的戲，誰知一起身上網訂票，睇到那些較好的位置全都被人買了，剩下的位都不好，唯有放棄..........我就是這麼的固執，願為玉碎，不作瓦全。

雖然偶而的也會感到寂寞，但是，這安靜的時刻，正好讓我重尋自己，再反省下自己和神的關係！我相信這些的日子，可以讓我好好的與神交通，也未嘗不是一件好事丫！

不要緊，劉德華的戲才剛剛上映，還有很多機會去看的！

悶爆

唉.........今日放工後返咗屋企午睡片刻，义义電。之後去返學。

點知阿 sir講了幾堂書，都冇乜進步，仍然係講書講得很悶，講書講到超晒時.............真係頂唔住。卒之捱到8點半，幸好，阿sir 都知道自己講極都講唔完，所以準時收工，即走。
返屋企食飯，咁又一 day 啦！有些頹，看來都是時候找些 "嘢"學下啦.........唉.....不過冇 $$喎！激氣！

好期待劉華的"再說一次我愛你"，星期四放假呀.........等我去睇先，不過唔知搵唔搵到人陪我去睇呢？一個人去睇的話會好灰架.........

歸位

嘩.......放了差不多十日大假，昨日終於要歸位返工啦.............我經理真係太...太.....太錫我啦！！一返工就要A/N，幸好昨天剛巧是公眾假期，沒有往日的忙碌，沒有"老細"，不用巡房更沒有車仔隊。比平日可要輕鬆多了！

只不過，一返工就有一個病人的情況不妙，誰知到我將要放工的時候竟然 gasping.......我心知不妙啦，可幸的是病人的家屬全都陪伴在旁，我想伯伯也沒有甚麼牽掛吧！只是見他喘氣喘得很辛苦呀！

果然，當我晚上返回病房的時候，同事交更那位病人已於下午過世了，也好，至少沒有太多的辛苦，有時見到某些病人 gasping 了多日才去世，也覺得很辛苦啊！不是"黑心"，看見他們如此，寧願他們早日撒手人寰，免卻辛苦啊！

童夢奇緣

一直都好想有機會去睇華仔的童夢奇緣，因為沒時間、沒人陪，所以一直拖下去，卒之有機會去睇啦。
套戲好感人，有一段戲係三個唔同心境、處境的男人係機鋪出面吹水，其中黃日華話個仔(即係劉德華)唔明白大人的難處，我回想一下就好像看見從前的自己一樣，看到事情的一面，但是又看不到事情的另一面，以為自己做對了，但係原來事情並不完全是我想像的那樣，好似好無奈咁。好有同感呀！
而令我喊的個場戲，係話劉德華去到黃日華面前認錯個一幕，唔知係我回想以前的事令我感觸丫，定係我真的被兩個華仔的戲所感動呢？淚緩緩的從眼眶湧出，都話我容易喊架啦，差Ｄ嚇死陪我睇戲Ｄ人呀！

珍惜，珍惜你一切所擁有的：生命、親人、伴侶、所有所有，因為時間不知不覺地流逝，而且你並不知道你將會何時失去，當失去的時候，想找回已經太難！



下次不敢 劉德華 《童夢奇緣》主題曲

主唱、作詞：劉德華

繞一個圈 又過了一會
犯錯以後才後悔會不會太晚
就算認錯 就算你說
下一次 我不敢

失去容易 啊 回頭真難
日子再壞也必須要走完
啊 在生活中 每一個人
應該有對自己最誠實的那份勇敢

朋友啊 雖然哭泣常常讓人太難堪
其實眼淚也有溫暖
流過淚的你才能慢慢成長
有傷心才會懂得有心歡

啊 抓緊時間把你感情的帳單
好好地去認認真真一一的清還
為身邊每個人
請不要再怠慢
讓愛火一再點燃

從今我不想
再聽你說
下一次我不敢

逛街

很久也沒有一個人逛街了，上個星期六卒之因為悶得發慌了，所以，一個人駕車去到 apm 逛一逛。
當然，我是有目標的啦！就是去買牛仔褲啦！一將車子泊好，立即乘升降機去到目標樓層，一個箭步走入去鋪位，左試試右試試，真的不亦樂乎！搜捕到合適的，立即不放過。再逛逛別的衣飾店鋪，噢.......不得了，件件也好像很好，件件也像合適喎。於是，手中一袋二袋之餘，銀包的錢也隨之去到別人的銀包去了。大出血呀！救命呀！
很久也沒有試過買得這麼 free 啦，從前買完會害怕被人鬧，哈.......而家再冇人會鬧我，不知買得幾開心！雖然我買完之後都有少少內疚，因為覺得自己真的有些揮霍，不過這些念頭隨即煙消雲散，不要緊！我唔會再買架啦！一次半次冇緊要啦！
一個人行街都唔錯，除了太容易買 "嘢"買到 "忘晒形" 之外！