平安夜

昨日參與了教會報佳音的聚會，地點是尖沙咀柏麗大道清真寺旁的樓梯，地點好似去踩場咁.........由七點唱到十點幾我哋都算係長氣囉..........今次我哋有好多人參與，雖然唔算好pro，但係我哋嘅氣氛都算好好丫，完咗之後沿住彌敦道向旺角方向行，整條彌敦道前前後有四、五個組別係度報佳音，有Ｄ真係好pro 架，吹晒色士風.....嘩...勁到爆呀！

噚晚已經係搭小巴返屋企啦....都要十二點先返到呀！！今日返祟拜差少少就遲到啦.....
點知今日一返工就真係 " Merry Christmas " la， Sick 咗2個同事，淨返我同另一個同事( toatl 2 個 nursing staff)返工咋！真係冇陰公！但係好彩"賣"咗隔離嘅一個同事幫手，而且我返上晝嘅同事實在太太.....太好人啦....佢哋幫我哋做咗大部份嘅 rountine 呀....真係太....太......太感動喇！
Thanks.....偉强、家琪、依凌、惠珠！ Merry Christmas ！

外面

一直都對周迅沒有甚麼的認識，也沒有甚麼好感，只知道她是中國四大名旦之一，我偶然於電台聽到周迅於 << 如果 愛>>中的歌，"外面"，很特別，她唱得很有味道，令人有一種想一聽再聽的感覺，而且她的聲線好特別、好溫柔，也有一點點的幽怨，開始喜歡佢呢！

外面
演唱：周迅 作曲：金培達 填詞：林夕 編曲：金培達

外面的世界很精彩
我出去會不會失敗
外面的世界特別慷慨
闖出去我就可以活過來

留在這裡我看不到現在
我要出去尋找我的未來
下定了決心改變日子真難捱
吹熄了蠟燭願望就是離開


外面的世界很精彩
我出去會變得可愛
外面的機會來得很快
我一定找到自己的存在
一離開頭也不轉不回來
我離開永遠都不再回來

Acute depression

唔知點解覺得自己有Ｄ depress...........仲有種想哭嘅感覺，點解呢？

唔想搵出箇中原因！

鬆一口氣、激到一肚氣

經過過去一個星期的努力昨天終於考試啦...........好難好難的 ECG (心電圖)啊!當然啦，只是用了一個星期去溫習又怎會全都識呢！何況平時上堂也只是一知半解，如今囫圇吞棗，更是不甚了了啦！計吓計吓好似仲差一題先合格喎.............唉，算啦，無論怎樣好歹也叫做曾經盡了力，都對自己算是有個交代丫！也令我鬆一口氣。不過， ECG 真是一門頗深的學問，也很有趣，日後有時間也要攞Ｄ筆記出嚟多看看；今日有個婆婆做了心電圖，我"扮晒勁"咁睇吓，哈.......又比我真係睇到佢係 SVT 喎...........開心死我，然後我仲自言自語咁讚自己"叻"添呀！真係"把鬼"。

不過，今日都有一件事令我好激氣，仲差Ｄ同嗰Ｄ蠻不講理的病人家屬"拗"起來(其實都已經算拗咗)，我只係叫佢餵個病人食药啫.........佢竟然答我唔識囉.............天呀，個病人用口食架.....又唔係用胃喉，有咩識唔識呀？？又問我係咪瞓係到食，你係咪玩嘢呀，好人好姐瞓係度都食唔到嘢啦，何況係個病人！！好啦.......你唔願餵咪我餵囉.....加咗少少水係Ｄ藥粉度，我見 locker 又冇凝固粉咁就比個病人呷一口試吓啦........點知就係咁咳.........之後佢先至同我講話佢要用凝固粉，我已經即刻停咗冇餵，再係對面個病人度借咗Ｄ嚟用，咁我見阿婆係咁咳咪放低杯藥，諗住餵完其他病人再返轉頭囉..........點知佢又話我攞人哋Ｄ嘢用，喂......罐粉係"阿公"架..........關你鬼事咩！又話我發晦氣，天啊......人容忍有限度架.............你仲想點呀！！我都唔知係咪自己EQ低，搞到我臨放工都一肚氣！

我發現咗華仔好正嘅"繼續談情相聚篇劇場版"呀！！http://hk.promo.yahoo.com/artist/andylau200512/form.html

感慨

噚晚某位病人的太太(其實已經係阿婆)到來探病，不久即聽到有人大吵大鬧，還以為是病人家屬之間發生爭執，誰知原來是那位婆婆，找住隔離病人的家屬一路"數落"自己的丈夫，又話他年輕時不照顧兒女.......(下省十個原因)等等，說個不停，到最後還說他現今中風了，心裡很開心。

嘩...........怎麼會這樣的呢？照那位婆婆的年紀，我想都不會是盲婚啞嫁吧！既然是因相愛而結合，為甚麼到如今要這樣折磨、傷害對方呢？好恐怖，也令我很感慨，從前相愛，如今變成怨偶，餘下漫長的人生要怎麼去渡過呀？

基督的愛是可以令人釋放、令人寬恕，但是人偏偏很軟弱，軟弱到常常把一些不應該記的牢牢地記在腦海中，應該記的卻往住忘記得一乾二淨

主啊，求祢用祢的愛將我從那些困苦中釋放。

80週年

原來我公司已經經歷了八十個年頭啦，於剛剛的過去的星期六 (3/12)，舉行咗一個80週年晚宴，獎品豐富到不得了，有 PSP、 Nokia N70、Canon ixus 750、Panisonic DVD recorder、現金獎 $2000 x 5，唉.......但係呢Ｄ全部都冇我份，不過我都叫做有Ｄ luck ！起碼我都抽到一盒"東方紅"冬茹丫！有圖為証架！唉.......我想換電話、換相機呀！！有冇好心人贈送或者 sponser 吓呀？？聖誕啊...各方友好贊助吓啦！！



呢排都唔知係我黑丫定係我Ｄ同事黑！一個星期 night 兩次，兩次隔離個邊Ｄ case 都死嘅！星期一臨天光失守，仲玩埋大龍鳳！前晚仲唔只死一個，一係唔嚟，一嚟就起雙，最慘係臨放工清晨六點二十五分！究竟我呢排係咪做咗死神使者呀？？咁搞法唔掂喎！

婚宴

噚日又再次見証了同事的婚禮啦！先是到他的教會舉行婚禮，整個婚禮莊嚴得很，與我自己的教會的程序稍有不同，偶而牧者都有少少出錯，不過無傷大雅！最後，新人致謝，只見平時滔滔不絕的他，緊張的把雙手不停地緊握無線咪，還口"窒窒"呢！哈.......真係估唔到呢！

晚上參加婚宴，新人除了影了一輯"靚靚"的婚紗相之外，還有一輯影得很有"型格"的相呢！初初我還以為那些是類似 bossini 的廣告相呢！哈......哈........本來我唔應該未經他本人同意，將他的相 post 出嚟嘅...........不過既然係好嘢，唔怕比大家欣賞下啦，何況我這位同事都唔會到我呢個網頁呢！還有，我哋研究過我哋這位同事係呢輯相到仲有幾分似吳卓曦添呀！哈！意外嘅驚喜呢！

唉..........開開心心去飲完之後，就發覺自己好大意，晏畫係櫃員機提款竟然係"提"咗錢出嚟但係冇"拎"款囉..........天呀..........點解.........點解..................


好！去片




當然唔少得有我自己嘅相啦！不過.........究竟邊個先至係我就要大家估吓啦！