傳福音

一直都好希望能夠帶領自己的父母、家人信主，但係一直都唔知應該怎麼怎樣開口，邀請他們返教會，適逢教會於17/7 舉行"懇親日"，讓我哋有機會可以邀請他們。但是今日我得知那天我要 A/N 呀.............唔知可唔可以同人調 night 呢？雖然我父母尚未答應，但係我仍然抱有一絲希望架..........

對我 哋嚟講，能夠將父母帶到 主面前，認識 神，比起任何的獎項更開心！我相信每一個基督徒都好希望可以做到呢件事！

弟兄姊妹唔好再遲疑啦.........立即就邀請你的父母返"懇親日"呢個聚會啦.........要係還有機會嘅時候向父母傳福音，否則就後悔莫及架啦！

忙死人

近來不知是否聯合醫院是否真的那麼"爆"，每日都唔會多過 3 張 "吉"床，有冇咁緊張呀Ｄ床位？平時報床只係每日一次，而家就要一早報床，下午就admit ，真係好離譜架！聽我同事講，原來有時 on night 有Ｄ無聊人會數下我哋 ward 有幾多 "吉"床，然後去打小報告..........你話丫Ｄ人真係得閒冇嘢做！咁得閒就幫手做下嘢啦！唉..........呢Ｄ就係護理界陰暗嘅一面啦.........成日就掛住爭權奪利，罔顧前線員工..........激死人！

今個星期唔知發生咩事，突然間好多人 sudden death ，最得人驚嘅係Ｄ patient 個個都係好醒、好叻，仲識行架...........無端端就 cardiac arrest........聽見都覺得好突然呀..........如是者今個星期已經有3個 patient 係咁啦....................冇理由丫...........近來又冇乜大時大節丫..............唉..............嚟近星期六仲 A/N 添 ...........弊！

希望呢個 night 平安渡過啦..............

好似中咗招？

前個星期開始，前前後後有2個 patient 先後有疥瘡，其中有一個patient 已經住咗個多月，佢成日都周身 ""，初時只係以為佢係皮膚乾燥，所以痕，之後先至發覺，他的""法.........直頭係"死命"地去抓，其實之前已經刮過好多次"皮" ( skin scrapping)，但係每次個報告返嚟都係 : -ve..........點知.......唉.........其實個病人一入嚟已經係咁啦.........真係惡夢...................

之後，又發覺有一個病人有料..............唉.........個個仲係一個唔願出院的病人添呀..........你話丫...........真係大煲............. 而家為免屋企人"詐型"，於是將佢放入 side ward contact isolation，直至下次刮皮嘅報告返嚟係 -ve 為止，先至可以解封.............

自從上個星期尾開始，就成日覺得自己周身痕.............都唔知係心理作用丫..........定係真係中咗招，其實都前前後後有三、四日........一直都自欺欺人............希望自己冇中招...............不過事隔數天........都仍然周身痕..............於是面對現實...........自己先 treat 一次 BBE lotion..............免得係屋企蔓延.........好彩....................今次個隻 BBE lotion 係搽一次就可以，仲冇臭味添呀...........

希望我可以快Ｄ好番啦......................周身""好 "肉酸"！

離譜

今日收到一個可惡的消息，前日開 ward meeting ，WM話如果做錯野或者做漏野多過3次，就要罰。而罰嘅形式竟然係罰錢，將Ｄ錢撥入 Tea Bank..........但係我哋 ward 從來都冇呢一回事。(從來無 Tea Bank )

這樣是甚麼意思呢？罰錢？做錯事或有甚麼遺漏，都是常常出現，我相信每個人都曾經試過。我可要問一問管理層，他是否有這權利去做？

倘若有，那如果 WM 或 N.O 觸犯了又是否一樣要罰呢？他們是 senior ，他們是否又需要比我們罰得更重呢。

我真不明白他的腦袋是甚麼構造？這樣的方法，在他眼中竟然好的是解決方法！真係.... shxt.........

那是不是等於罰左錢就可以解決呀？是否等於可以不用記錄於 SDR 中？是否等於可以當任何事從來無發生過呀？如否，那為甚麼要做這個動作呀？如是，我倒想問一下醫管局，怎麼可以容許這種方法！！

這種質素的管理層，根本是trouble maker 不是 trouble-shooter 囉..........這樣是甚麼的管理手法？是想逼死前線同事為主？他的腦袋很有問題！

這樣的提議從沒有跟我們商量過...............亦沒有徵得我們的同意！離譜程度有十個加 (+) 呀！！

好險

今日終於探咗 Double 的 BB 啦......wow..........好細小呀！BB成日訓住嚟食奶，再加上BB成日扭抱架喎.............我諗第二時我可唔可以狠心咁由得他喊呢？如果唔得嘅話，咁咪好弊！不過她的家離我家也實在太遠了！搭277x唔洗轉車，但係都要1小時..........遠得很...........

今日同 lay lay & andy + 朱聲 去食飯，我揸車去永光等佢哋上完神學班之後去咗 apm，架車係我去九龍灣時已經有問題，高少少速入彎就會有少少問題，加上今日落雨，同埋絛呔漏氣的關係。但係我冇諗過會咁誇張！

由永光去 apm 的時候發生咗兩次，嚇得我標晒泠汗！其實我都知道絛呔漏氣架啦，但係估唔到高速少少入彎會甩甩地尾..................架車上面有四個人架嘛.................萬一有咩事...........我死唔緊要呀..............累到人就.........................唉.......................今次都真係要擺上感恩祈禱啦.......

搞到我去完 apm 之後立即去油店幫絛呔打番Ｄ氣，如果唔係真係不堪設想！

今日可以用兩個字去形容.............."好險"！

疑惑

常常都會去睇下人家的 blog，尤其是係我 blog 裡有連結的，我會常常上去看看。但是不知是甚麼原因，其中一個連結"老鼠求生日記"竟然去不到，無論是在自己的 blog 還是他人的 blog 都去不到。昨天在ward的電腦仍然去到！真教我摸不着腦！究竟是那裡出錯呢？

從朋友的口中得知舊同事 calvin 係30/11結婚啦！恭喜晒！不過咁都要話吓佢，有冇搞錯呀，結婚都唔通知聲！又話係 friend ！我話你知呀，到時記得請我飲呀！如見此文，自己識做啦..........

在此恭祝 calvin 同佢未婚妻白頭到老、永結同心、年生貴子、三年抱倆、主愛更深、福杯滿溢、以馬內利！恭喜！恭喜！

海鮮餐

我昨天同一班同事去了西貢食海鮮呀..............好耐都無咁豪啦...........哈哈！

首先我哋由阿強哥帶去了一間叫"洪記"嘅鋪頭，個位阿姐叫我哋入去個時，明明話幫襯有折架........最後竟然無比到............

好！等我介紹一下個餐單先，首先，我哋揀左龍蝦、花螺、扇貝、蟶子、膏蟹，當然仲有最重的大瀨尿蝦........wow.... 勁好味呀！

頭盆，椒鹽瀨尿蝦，啖啖肉好正呀！不過食完無幾耐，即刻喉嚨痛，你話呀.......仲快見效過 panadol 呀！

至於其餘個幾味，根住最好食就係芝士焗龍蝦，同埋辣酒煮花螺.........其餘就係扇貝啦.........至於膏蟹，因為我怕拆蟹殼......所以選擇唔食。

芝士焗龍蝦有伊麵底架，好鬼香呀，所以我係咁食Ｄ伊麵，至於辣酒煮花螺呢............哈因為我勁鍾意食辣，所以都好鍾意架，其實唔係好辣架咋！

其餘嘅菜煮得唔多好，所以唔提啦.........如果各位去西貢吃海鮮嘅話，千祈要慢慢揀Ｄ鋪頭呀，我就認為呢間麻麻地啦..........

最後埋單差不多$1xxx，實際幾多已經唔記得 lu ，總之我哋六位，每位盛惠$290啦！

好................等我下一次有機會同大家介紹下apm其中一間好抵食嘅食肆啦！

感受

好奇怪，有Ｄ人明明見到你，但係竟然對你視若無睹，口中話當你係朋友，但係佢的行為卻是相反。

我很重視我的朋友，雖然我不會常常致電給他們，雖然我不會常常約他們聚會，雖然我不會常常將他們掛在嘴邊，但是我會默默的在私禱中紀念他們。

我希望我的朋友唔會當我"透明"，有Ｄ人我唔會緊張他的態度，因為我根本沒有將他們當作朋友。

所以，對於一位曾經向我說"當我是朋友"，但是，轉眼間卻如同陌路人，那種可怕的程度，比一對戀人，對着對方口口聲聲說愛對方，然後各自背着對方，擁抱他人。

這些都只是我一點點的感受罷了！

十六年前

十六年，令我想起金鏞小說中楊過與小龍女的十六年之約。

如今十六這個數字令我想起以前.............................

十六年前的那一天，我還未滿十歲。

那時我只見電視機播出的畫面：黑夜中坦克車橫過，途人慌亂地走避，一具一具的屍體，被抬進抬出，一幕一幕，如今仍然歷歷在目；年幼的我，仍未懂得發生甚麼事，只見新聞報導中重複又重複地播出那些片段，不斷又不斷地更新死傷的人數。

十六年來，每一年的這一天，總有很多香港人聚集到維園，為的只是去紀念那一群無辜受難的年青人。到了今時今日的中國，政府仍然明目張膽地去監視一些平民百姓，將各種各樣的政治罪名加上各種人的身上。日復日，年復年，這個地方的民主竟然沒有絲毫的進步。

今天的我，仍然記得那一幕。今天的我，若可以就會在這一天，去到維園點起那一點點的燭光，為的不只是單單去紀念那一群無辜的群眾，還要去提醒這個政府我們不是盲的，更要為這片土地喚起民眾對民主的意識。

只是民智未開，生活仍未溫飽，他們還會注視這些嗎？恐怕要這個國家邁向民主，尚有很遠很遠的路呢！

等待

從來等待都是令人很不安，尤其是等待被懲罰的心情更是令人寢食難安。

由於我上星期係電腦上預約非緊急救護車，非常不小心地沒有核對清楚地址，電腦上自動顯示的地址竟然是錯的！而那病人直至出院都沒有人發覺，於是，病人就去錯了院舍。唉.............都是我一時大意令到同事們麻煩。

雖然當日已經處理好，幸好家人並沒有投訴，但是仍然是耿耿於懷，令到病人舟車勞頓也非我所願。

而且當日處理事件的N.O.尚未召見我，我也不知要怎麼去應對才好。盼望吉人自有天相啦！自從星期一知道消息後心情都沒有怎麼好過！希望早些可以同那位N.O.傾一傾，雖然並不是 Medical error，但是我自己也承認這是頗為離譜和不可能的錯誤！