誘心人

今日約了同事 C 去睇舞台劇誘心人，其實早於數個月前已對此劇很有興趣，可惜當時找不到伴，當找到了，票又已售罄，今次有機會去看都是一次偶然 。

放工回家小睡片刻，又匆匆的趕去灣仔會合同事，匆匆忙忙的吃過晚飯，就入場，該劇內容充滿粗口和性的話題，其實已略知一二，但是還是不禁想像內容是那麽的大膽及直接，不過整套劇的節奏都頗適當和緊密，而且還帶出現今社會的人對性、愛之間的茅盾和不了解。有很多地方可以給我們去思考呢！

鄭文雅真的好有氣質和很高貴，我有幸可以近距離的看見她，而且她還給我很友善的感覺呢！

無奈

今早一返工，整個人都不在狀態之中，到 Tea 嘅時候，諗住小休一下，誰知同事們又拿出新的更期紙引誘我，本來我並不為意自己的更期有甚麼問題，但是有一有心同事問我：喂.....你受了甚麼刺激呀？你為甚麼 request ANA 呀？(註：即係返完早更，同一日晚上返夜更，放翌日早上六時半，再於翌日返六時半)，我駭然的發覺此事！還未回過神來，老細進入茶房，我就向老細要求不要該日返早，她竟然回答我：哎吔唔得呀.....人哋 request day off 呀，冇人返工呀！哼......咁都係答案？？真係離譜，我常常request 嘅 duty 佢都 fullfill唔到我啦！好！你竟然如此回覆我，我話過他日若果"她"要求我臨時返工頂替空缺，我必定不會答應！真係好嬲呀！

險

今早好空閒，因為少了差不多十個 case，所以 routine 比平常早一小時完成，於是我哋就於 nurse station "吹吓水"，等下一輪 routine，誰知十時正竟然見到阿 DOM ( department operation manager ) 出現(即係我老細嘅老細)，嚇得我們呆了，立即作鳥獸散，心中卻暗罵她為甚麼不在家多睡一會，返來幹嘛！如果是我放假，我還未轉面呢！幸好她沒有罵我們呢！

今天放工，去了同事家玩玩，她的家可遠了.........鴨脷洲呀......幸好有人車我們去不用舟車勞頓，去到同事家，我們玩了 simpsons 版 大富翁..........真係玩到人都顛，幾眼瞓呀............. 仲食榴槤添...飽到連晚飯都吃不下！誇張到丫！

Cohort

今天一返到工作的崗位，真是嚇了一跳，我負責的 cubicle竟然十張床，只有一個 case，原來那一格 要收 QEH Norovirus +ve 嘅 step down case，真是好驚好驚，好驚 QE會一次過湧晒Ｄ case 入嚟，因為只可以負責該 cubicle 的姑娘(即是我)和姐姐(每更只有一個)入去照顧Ｄ病人，真是死十次都唔掂呀！

幸好今天只有一個病人入院，而該病人下午五時才到，而我就比平常空閒了幾小時......整個病房嘅 routine都少了很多，這樣可以叫做因禍得褔呢嗎？

如果以後嘅日子沒有爆發諾沃克，都可以咁空閒就好啦！

轉變

今天 Day off，瞓到差不多下午二時才起床，於是煮午餐、上網打麻雀，隨後到九龍灣德福商場配備洗面用品，化妝小姐見到我很久沒有到該鋪，當然問我為甚麼許久不到啦.......我就回答說：這些時候沒有到過附近嘛！但係我心中卻想說：沒錢嘛！

買過東西後，就逛一逛商場，發覺換了很多商鋪，而且還於二期商場開了一間面積頗大的"商務"，我見到都很高興，一支箭般奔去啦.....還有，連 Delifrance 都重新裝修過，我真係好 Out喎....有Ｄ似大鄉里出城，原來當我以為沒什麼改變的時候，這個世界已經不停地變，變得令我陌生。

又上新聞

唔知點解，近半年我間院常常上電視，幾個月前才爆發完諾沃克，今天看新聞報導又再次榜上有名，今次仲要係我個病房添，其實前天返工已知道，不過只是其中一個病人證實有，而另一個病人是由CGAT 於老人院收入病房，根本不是我哋病房本來的病人，那間老人院爆發腸胃炎，才把她隔離，而其餘的３名病人只是懷疑個案，不過為了安全，當然是先把她們隔離，不過最恐怖的消息是那間老人院懷疑各有十多名男、女院友有近似的病徵，如果真的話.........我們的病房就死定了.......希望不會吧.........

補償

今日老細打電話比我話比一日 study day 我，大家千祈唔好以為佢對我咁好，昨天無故的比她"狂鬧"了一頓，她可能知道自己理虧才作出小小的補償！

唉.......在這病房做了四年多，真的有點悶、厭，真的好想出去 Acute 見識一下，學多一點，始終這裡的 case 好多都同我溝通唔到，不過我又害怕出到去幫唔到手不特止，仲妨礙人家，始終 Acute 嘛..........

如何是好呢？？

公義

我相信神會秉行公義，讓那些傷害過我的、中傷過我的人得到應得的懲罰！

十三么

因為在家實在太無聊啦.........所以我就丫 woo 玩麻雀，竟然比我食到十三么呀！仲要係兩次咁多呀！咁大個女都未試過架！！

小水點的成長

今日打開自己的 blog 看一看，見到小水點已經有四隻腳啦.......好鬼得意，仲見到佢講嘢，不過全部都係 "○ △＃Ⅹ"點解呢？？唔係講粗口呀？？無端端點解會咁架？？有冇辦法將佢變番唔講粗口架？？

望住佢慢慢地成長，好開心，亦有少少滿足感！

黑雨-->唔開心、紅雨-->開心

黑雨唔開心，並不是因為下大雨而冇得出街，而是因為我正在放大假呀.......！！因為如果我返工的話會有雙工呀......！好彩，昨日兩點前變返紅雨，即刻心情好返晒，(好似好唔好心地咁)，各位同事，千祈唔好怪我呀！

噚晚真是好大雨，Ｄ風又大，噚日揸車出街，Ｄ雨大到水撥都撥唔"切"，今日看新聞報導仲話，香港仔某條街嘅樹被強風吹斷晒.......大自然嘅威力真係....無法估計！

頹

今個星期放大假.......只可用一個字去形容.....就是頹........雖然只是放了一半，但是我相信餘下的日子和之前應該是沒有大分別！

這幾天的生活就只有睡醒了、吃，吃飽了再睡，最多就只會上上網看看人家的 blog，自己諗吓都覺得頹廢得有些過分，沒辦法啦.....沒錢嘛，況且平時的工作忙得要命，就這樣的讓自己頹廢地過一個星期休息吓，再去拼過也不算奢侈吧！

六、四

今日除了是六、四十七週年之外，還有是"史提反之家"洗禮的大日子，今年我 cell 有一位姊妹受洗，我有幸觀禮並參與接納禮，今日好特別食了兩次聖餐，而今日於接納禮食嘅係"新鮮"嘅聖餐，點解是"新鮮"呢？因為平時嘅聖餐由於衛生嘅問題，餅同杯是獨立封存由美國空運過來，而那些聖餐是需要雪藏，而那些餅就會唔脆啦！唯有洗禮後第一次嘅餅同杯是不會用雪藏的，那些餅是脆架.........好好味呀！！

完了聚會之後，一班弟兄姊妹去了酒樓吃晚飯，一共有16人之多，好難得呀！隨後老細、黃傑同肥姐提議去餐廳"飲下嘢"，本來諗住肥姐都會去，我才會跟老細一齊去，誰知肥姐一返家就沒回頭........我被騙呀..........哼.......肥姐.......你欺騙我..........我記住你..........

忙

忙到人都顛，昨天今天都忙得要命，有一位同事病了，只得三個人返工，後來借調一位同事做" Runner"，但是三十多位病人就由我們原本返男病房的同事均分，人就是這麼倒霉，不單工作忙、人少，還要今天的病人情況轉壞，昨天只是我就收了兩個症，送走一個病人去急症醫院，仲要我搭十字車 escort，其他的同事也好不了多少，另一個病人也要送去另一間急症醫院，同一時間走，而我的另一個病人就懷疑染上"雞脾" (scabies) 疥瘡，又要塗藥水，點解最少人嘅時候就最忙呢？

今天有些似昨天的"翻版"，一早收兩個症，有一個病人要轉院，幸好的是 Runner 包包幫我收了一個症，但是仍然是入我"數"...........又要寫那些冇意義的 nursing care paln.......真是討厭極了，昨天今天做的工作量真是平常的幾倍........呀

小水點

我幾經艱辛搞了差不多一個鐘先至整到係 side bar 嘅小水點，佢係要用文章嚟餵佢架，其實我咁樣做都係希望自己寫多Ｄ blog，而且希望我這個 blog 多一點生氣，不那麼沉悶呢！

好........以後的日子我要加倍努力呀！

仍然痛

今天放假收拾一下沒用的信件，拾起他寄給我的信件，打開其中一封看，覺得心仍然是痛，淚水有點失控的從眼眶流下，是我仍然放不下嗎？仍然是愛他嗎？真的令我很迷惘，但是過去的事仍然令我耿耿於懷。 好想神帶領我去行這一條路，好想上帝可以比個答案我，好想可以學會放手。

願我可以學會放低你！