崇拜講道..............

今天返祟拜，講員所說的內容大概是應守安息日，其餘的大概已經忘了八八九九，但是仍然有當中兩點是有很深刻的印象。

第一點是"保護"，她提及在原文聖經中保護，其實是有着軍事作戰等的含意，我最深刻的是她說：其實當我們要去保護自己的同時，也是傷害或是犧牲別人的時候。當時，我聽見了這句說話覺得很震撼，多少的時候當我們口口聲聲說要保護自己的時候，原來不知不覺間傷害了他人，原來我們認為是保護、是防衞，卻原來是傷害、是侵佔。原來從不知到這樣也傷害了人！這很值得我反省 、留意。

第二點是"讓神作神"，我想.........也就我們常常說的交託給神，放開雙手讓神作工(希望沒有理解錯啦........)，她在講道中引用一個故事，話說有一個人正坐着一隻筏隨急流漂浮，在中途那人看見遠處有一塊很大的石頭在水流當中，那人心想：不得了，這麼大的石頭船一定要翻了，當下立即懇切的向神禱告，盼望神移開石塊，禱告完了，打開雙眼，仍見那塊石頭，心想：難道我禱告不夠懇切嗎？如是者他再次的祈禱比之前的更為懇切，當他打開雙眼，石頭仍然在那裏而且筏亦都已經到了，但是筏竟然沒有翻倒，而且還很順利的渡過，原來神是聽禱告的神，神並沒有將石頭挪開，而是當筏要經過那石頭時，神將水位升多了，從而避過那石頭，原來，神自有衪的安排、方式，衪未必會按我們所求的方法去做，但是衪仍然聽我們的禱告，只是衪用的可能是我們從沒有想過的方法，但是於神的角度來看那定會是衪認為最好的了！

只是我們又有多少時候做到"讓神作神"呢？讓我們在這功課上多多努力！

當你走到無力

"當你走到無力"其實是"美麗傳奇II"的其中一首詩歌，內容大概是形容人很多時會感到乏力、無助，但是只要相信神是隨時的幫助，衪亦明白"你"的處境，衪也張開了手等待擁抱每一個願意接受的人，只要願意接受，縱是再大的困難也因着神的緣故，擔子也愈來愈輕省，變得不再懼怕。

這首歌是由一位新晉的歌手:徐偉賢演繹，唱功不錯，旋律也悅耳，如有興趣可到各大書室先試聽再決定是否購買，同一大碟還有其他令人熟悉的流行曲歌手如：女生宿舍 Macy，羅敏莊，關心姸，當然還有一些是基督教界比較出名的組合如: ETERNITY...........今次更有新的組合叫 ETERNITY GIRL ；最令我奇怪是..........竟然 Macy是基督徒，小妹在此聲明此話並沒有別的意思.......只是小妹孤陋寡聞並不知她是基督徒而已！

近些年頭發覺很多基督徒的流行曲歌手，都願意去演繹一些詩歌，較過去的比例是多了，先是張崇基、張崇德兩兄弟，較為近期的是張敬軒，本人極之讚成他們這樣做。首先，他們都是比較為人熟悉的歌手，他們演繹詩歌，可以令到基督教更加廣為人認識，有助福音傳揚，第二，他們既是歌手，他們的唱功當然不容置疑啦！我們也大飽耳褔啊。最後，他們可以將自己的恩賜，除了作為工作外，也作為事奉神，獻之為祭奉予上帝，也是一件美事呢！

我就嚟生日啦

哈.........哈..........小妹就快生日啦..........正確係................明天27號！各位小妹的各方朋友...........識做啦.......哈！哈

話時話.........小妹唔經唔覺已經係這個世界上生活了2X個年頭......這樣看來...很快轉眼就會到3字頭....哎....真係面對不了呢！

哎....話說過去的星期六小妹也凑湊熱鬧去了書展，由於小妹放工後要"义义電"，所以去到灣仔已經是晚上八的時多了，吃過晚飯，再迫迫迫的去到會展已經是十點半啦..........我最終的目標當然是"麥嘜、麥兜"啦.......結果---大出血，輾轉回到家已是半夜2時，意外收穫是買了"美麗傳奇II"，最最意想不到是.........星期日返工見到個 on call M.O. 竟然問我 :昨天你是否去了書展..............我當下呆了一會........哎.........竟然遇見相識的人而不為意，真失敗！比那位阿哥見到我那些醜態呢！！

好.........等我下次有機會介紹一下"美麗傳奇II"中的"當你走到無力時"啦！

阿貓地攤

其實在兩、三年前已經知道阿貓地攤這間 cafe，在舊鋪位時因為位於唐樓，所以不禁涉足半步，其後該間 cafe 搬走之後就不知道它在哪裹營業了。

今年在參與六四集會後經過名店坊，竟然比我意外地發現阿貓地攤，昨日終於有機會去這間 cafe玩貓貓啦...........

這裡差不多有十多隻貓咪.........牠們隨處走，好得意，肥的、瘦的、黑的、白的、灰的，只是牠們不願意被人抱，性格高傲，只可以被相熟的人逗玩；可是牠們愛吃、愛睡，這和我差不多呀！

若是想在這裏吃晚飯的話大家可要考慮一下，因為小妹今次點了一個"肉麻貓面"....另外一個飯(不過已經忘了是甚麼名堂)材料係豆豉鯪魚加油麥菜，其實那個"肉麻貓面"是炸雞翼花生醬冷麵甚麼的，這個麵都還可以，但是那個飯就比較令人失望，那些油麥菜的顏色好像是用熱水烚的，而那些飯呢.........就較硬身，好像水的份量不夠。

不過這天卻有意外的收獲，剛巧藍奕邦於這裏舉行聚會，可以聽到佢唱 live.....他的唱功確是不錯丫，只可惜只聽到聲，但是這樣也很超值！

熱..........

以為剛剛過咗嘅星期日係最熱嘅一日，點知真係"一山還有一山高"

出面好曬，好悶熱，現在嘅氣溫係35 C，點解會咁熱架？噚晚兩點幾明明落咗一場大雨，又"行"雷、又閃電.....係咁劈落嚟架..............乜唔係落完雨會冇咁熱嘅咩？？點解會仲熱過噚日架？？而家只係七月幾時會過這個夏天呢？如果我識游水就好啦...........至少我可以去海灘或者泳池浸吓丫！今日仲係平日，一定唔多人......但係我唔識，如果有人教我就好 lu..........簡直係"發夢"

而家我覺得自己好似一條係雪櫃拎出嚟嘅雪條咁.............."溶"啦！諗住環保D 唔開冷氣，開風扇啦...但係唔知點解，Ｄ風吹出嚟係..............熱架，我住個區已經係比其他地方較為涼少少，但係...........而家都咁熱.............真係唔願"郁"呀..................今日仲係今個星期唯一嘅 Day off ，真係嘥晒！出面仲好迷矇...........好有"詩意"喎..........想死！！

係喇.......今日係阿倫嘅死忌..........上年嘅今天佢係 PWH 因為淋巴癌被主接返天家，咁樣就過咗一年啦.........唔知佢嘅墓碑整好未呢？我哋一班弟兄姊妹會約埋一齊去探"你"架！"你"係天父嘅懷中，一定係好開心，無任何嘅煩惱喇.....至於你父母，我哋會盡力傳福音比佢哋，"你"唔使擔心呀！剛剛過咗嘅星期日"懇親日" veron 都有邀請你媽媽去架！希望福音嘅種籽植入你媽媽嘅心中，遇到適合嘅時機會發芽、成長，我哋會努力架，"你"也要係天家為我哋祈禱呀！

出"風癩"

唔通我近排身子真係咁差？我又唔係"財多"，仲好缺水添喎.........

唔知點解前兩日都出"風癩"，應該係叫做 " hypersensitivities reaction ，痕死！
初初星期三個日只係條頸度出，一"雲雲"又紅又痕，本來係 apm食緊飯，都要即刻"拿拿臨"食完走人，返到屋企就即刻食番粒 piriton，然之後就即刻上床瞓，諗住 瞓醒就冇事啦..........

點知一起身就發覺自己隻腳仍然有不過冇咁痕，到返返吓工又發覺佢自己退咗喎.........咁就算啦。

到咗夜晚食飯，都未開始食個餐飯..........個人又覺得痕........唉...........搞到食餐飯都唔舒服，食完飯我就係商場洗手間到檢視一吓啦..........嘩..........不得了..............兩隻大腿都有，即刻冇晒心機，返屋企。

返到屋企沖完涼，就再食 piriton 點知今次唔掂..........於是用番上次去日本嗰個辦法，就係------搽白花油，真係搽 lotion 都冇咁勤力！搽完即刻走上床"攤"。今日起身就散晒 lu.......

其實我好細個嗰時(大約十歲之前)都有出過，但係之後一直都冇再出過，直到上年十月尾去日本個時無端端出，個時真係驚架.........我淨係帶咗Ｄ piriton 跟身，又仲有幾日先至返香港喎.......個次嘅範圍仲多仲大，好彩有帶支白花油係身，雖然唔知得唔得，但係自少可以止痕呀..........於是就試一試，咁又比我得喎！

之後我一直諗自己有冇食Ｄ咩會敏感嘅呢？冇呀...........牛肉，由細食到大，有一段時期仲差不多日日食牛扒添！海鮮，雖然唔係成日食，但係次次食完都冇事架........加上個次都冇食海鮮！

今次更加係諗唔通，噚晚食飯之前都冇食任何嘢，我甚至連午餐都唔得閒食，咁又敏感Ｄ咩呢？呢Ｄ真係叫做死得不明不白！

不過我有位同事話我上個星期病，個人 immune低，所以出事喎......希望係啦.............

新醫生

今個月 (七月)開始有新的醫生會巡我哋病房，其實一向都每三個月都會換一換，今次嚟嘅係畢業冇機耐的醫生，初時我哋經理話比我哋知係女仔嚟架！但係原來係男仔，其實呢半個月我哋都係夾咗一個禮拜咁多，因為他要放假；到他返工第一日因為有好多功課要他做，但係又十點都未上嚟，所以就 call 他，他覆 call 係我接聽，他比我的第一個印象就係：把聲好好聽呀.......仲有仲有就係他好好人、好有禮貌！哈.......哈...........千祈唔好怪我，我即刻覺得佢係好人！因為我係呢間醫院度就遇過一些醫生脾氣好大、又唔禮貌，可能佢只係發自己脾氣，但係佢哋咁樣做係會影響其他人，就算唔係發人脾氣，人哋都會當佢係！

然後在呢幾天與他工作上的相處，發覺他為人都好容易"話為"，有時叫他幫手又或者煩住佢做一些無謂嘢，他都冇話黑面，又冇"架子"喎，仲"唔該"前"唔該"後添呀.........嘩.............佢真係好好人呀！！佢個樣好細個，我諗佢應該同我差唔多大，偉強今日仲話見到佢個樣好後生，就覺得自己好老添......哈.......哈..........我跟住就即刻笑鬼佢"我諗佢同我差唔多大，咁你成三十幾歲人就梗係覺得佢細啦.................(跟住一陣狂笑)"，偉強跟住仲想打我添呀！

希望我哋同呢個醫生合作愉快啦..............我諗應該冇問題嘅！

病......

噚日病咗！
一起身預備食 lunch 之後返工，竟然冇胃口，個頭又赤赤痛，以為係瞓得太多又驚住得四個人返工，如果我 sick leave Ｄ同事就慘啦..........點知返到去 hand over 發覺有5個 staff 呀........唉.........即刻勁後悔，初時返工都冇乜唔妥，返吓返吓個頭就越嚟越痛，又覺得自己好似發冷咁，係 ward 到要着冷衫呀..........真係痴咗線！到咗6點幾發覺唔多對路，於是就走去同自己 探個熱先啦！一探..........嘩................竟然係37.8 C ，唔怪得啦！於是即刻打個電話去下面個 GOPC到攞個夜診籌，本來唔得架，不過我同個 staff講，我返緊工要9點先至可以放工，個 staff 好好人，佢話幫我 hold 住個籌.................真係唔該晒呀！
其實我有個同事都叫我走，但係我已經返咗工，如果因為病而要走，要搭十字車架..........好"肉酸"呀，你想像一吓一個姑娘着住套 U上架十字車，然之後要去 QEH/A&E睇醫生................嘩，幾失禮呀！卒之，捱完 napkin round 再捱到8:10pm...................好彩之前同 ward I/C 講想食 飯食第三輪，臨走之前再探多次熱，今次真係可以用"再創高峯"嚟形容，今次個Temp係38.8 C........唉...........我仲病過Ｄ patient 呀！
即刻落去 changing room 到換衫，再去GOPC到睇醫生，去到梗係要探個熱，一探..............我真係唔係好相信個結果！ Ear Temp：39.7 C。我真係好佩服自己，竟然咁都唔死得！
等咗一陣，好快就到我，入到去個醫生聽吓個 chest ，問吓一Ｄ嘢咁就想比我走，嘩...............咁殘忍架！我即刻就同佢講"我聽日要返工，可唔可以比日 sick leave 呀？"佢話"好,係咪一日 ?"離譜架...............人哋唔出聲問，佢都唔問！佢唔係以為聽日我一定放假丫嘛！！佢唔係以為我第二日仲返到工呀？？
返到屋企，我好攰，好想瞓，但係個頭痛到瞓唔到.................Ｄ燒又唔退喎.....仲係39.5 oral ，"典"來"典"去搞到成1點幾，卒之，忍唔住一次過食咗兩粒 panadol...........跟住就開始好 D，卒之可以瞓啦..............
今朝我阿媽竟然叫醒我，問我，你係咪要起身返工呀...............幾殘忍呀！我尋日咁嘅樣，阿媽你唔係唔知你阿女病到七彩呀？卒之一覺瞓到今朝 11 點幾！不過今朝 take 個 Temp 都仲有Ｄ燒 37.7 C ，不過我今日都精神好多啦！

Dream Chair

wow.......我早幾日趁住有一日假期，同教會一班弟兄姊妹去一對夫婦嘅屋企玩。嘩.............一早已經知道佢哋買咗我心目中 Osim個張 Dream chair !於是一去到就急不及待去坐下！嘩..........超正呀..............個張椅..........雖然冇人手按摩咁正，但係一坐落張椅.............wow.....好舒服呀........於是，張椅就比我由朝坐到晚，坐到唔捨得走！仲係張椅瞓着咗添呀！
呢張椅如果我有屬於自己嘅屋嘅話，一定要買番張係屋企嘆下，我哋日擔擔抬抬.....好傷架！我一定要努力呀！